നിന്റെ ഈറന് മുടി തുമ്പു കെട്ടും വരെ
ചുണ്ടില് ഊറുന്ന തേന് നൂല് പൊട്ടും വരെ
കാത്തു നിന്നെന്റെ രാവും നിശാഗന്ധിയും
കണ്ണു ചിമ്മാതെ കള്ളന് നിലാ ചന്ദ്രനും
കണ്ണു ചിമ്മാതെ കള്ളന് നിലാ ചന്ദ്രനും
രാക്കറുപ്പുംമുടി ചുരുളിലാകെ
ഇന്നു വാരി പകര്ന്നു കൊണ്ടിരവ് പോയി
രാമഴനീരപ്പോള് പെയ്തു തോരും മുമ്പ്
നാഭിതന് ചുഴിയിലെക്കൊഴുകി എത്തി
നിന്റെ നാണത്തിന്' ചെരുവിലേക്കൊഴുകി എത്തി
കാറ്റിലലിഞ്ഞ നിന്ഗന്ധവും പേറിയാ
കേട്ടു പഴകിയൊരീണമെത്തി
തുള്ളിത്തുടിക്കും നിന്നെഞ്ചവുമായ്
അപ്പോള് ചാറ്റല് മഴയുടെ താളമെത്തി
എന്റെ സിരകളില് ലഹരിതന് നുരയുമെത്തി
ചോപ്പ് മാതള പൂക്കള് തന് ശോഭയില്
നേര്ത്ത കംബളം നീ നീക്കിയെത്തി
നിന്നിലലിയാതിരിക്കുവാന് ഞാനെന്റെ
പഞ്ചേന്ദ്രിയങ്ങള് അടച്ചുനോക്കി ...പക്ഷെ
നിന്നിലലിയലാണതിലെളുപ്പം എന്റെ
സ്വര്ണ്ണ നിറമെഴും ഇളവെയിലെ.....!!!
-ശ്രീകാന്ത്-
No comments:
Post a Comment