Friday, August 17, 2012

7. 1.....4.....3

പൊഴിഞ്ഞു പോയി
മൂന്ന് പൊന്‍ വാക്കുകള്‍
അതില്‍
കിനിഞ്ഞു പോയി
രണ്ടു തേന്‍ തുള്ളികള്‍

കൊടുത്തു ഞാന്‍
കാറ്റിന്റെ കൈകളില്
വാതില്‍
പടിക്കലെത്തി
വിളിച്ചു നല്കീടുവാന്‍

കഴിയുമെങ്കില്‍
നീ ചാര്ത്തേണമെന്‍വാക്ക്
തൊട്
കുറി കണക്കെ
പതിയെയാ നെറ്റിയില്‍

തിരികെ എന്‍ ചാരെ
എത്തേണം നേരത്തെ
എനി-
ക്കറിയണം
അവള്‍ ഓതിയോരുത്തരം.

-ശ്രീകാന്ത്‌-  

Thursday, August 2, 2012

6. നിലാ പക്ഷി

രാമഴ പെയ്തു രാഗാര്‍ദ്രമായി
എന്‍ മാനസ കിളിയോ വചാലയായ്‌
എന്നോട് കൂടെ ഈ ചില്ലയില്‍
ഈ മഴ നനയാന്‍ നീ പോരുമോ..?

തൂവല്‍ താഴെ വിരിച്ചു നല്‍കാം
തൂലിക നിനക്കായി മഷി പുരട്ടാം
ഈണമി്ട്ടോരോ വരികളിലും
സ്നേഹ സ്വരങ്ങള്‍ ഞാന്‍ ചേര്‍ത്ത് വക്കാം


മഞ്ഞു കണങ്ങള്‍ ഇറത്തു നല്‍കാം 
വെയില്‍ വന്നു വിളിക്കുമ്പോള്‍ ചൂട് നല്‍കാം 
മഞ്ഞക്കിളീ നീ വിരുന്നു വന്നാല്‍ 
എന്‍ ഹൃദയം ഞാന്‍ പകുത്തു നല്‍കാം 

രാമഴ തോര്‍ന്നു നിലാവുദിച്ചു 
എന്‍ മാനസ കിളിയുടെ ഗാനം നിലച്ചു 
ഈ ചില്ലയിലേകയായ് വിങ്ങി വിങ്ങി 
കണ്ണീരിന്‍ തോണിയില്‍ മുങ്ങി മുങ്ങി 

എന്നോട് കൂടെ ഈ ചില്ലയില്‍ 
ഈ മഴ നനയാന്‍..............................
..........................................നീ വന്നീല

 -ശ്രീകാന്ത്‌-